माळशेज घाटाच्या खोल दरीमध्ये काचेचा स्कायवॉक उभारण्याचा प्रस्ताव राज्य शासनाने देखील मंजूर केला असून त्याला आर्थिक तरतूद देखील करण्यात आली आहे. या काचेच्या स्काय वॉक मुळे माळशेज घाट हे पर्यटनाच्या केंद्रस्थानी राहणार आहे. हा प्रकल्प संपूर्ण राज्यासाठीच पथदर्शी प्रकल्प असल्याने भविष्यात राज्यातील इतर पर्यटन स्थळांवरही असा प्रकल्प उपयुक्त ठरेल. माळशेज घाटाचं आणि पर्यायानं राज्याचं पर्यटन वाढलं तर देशाच्या तिजोरीत परकीय गंगाजळी वाढून विकासाला आणखी चांगल्या पद्धतीने गती मिळेल.