ऑगस्ट महिन्यात मुरबाड नगरपंचायत हद्दीतील शास्त्रीनगर येथील तीन तरुण मासे पकडण्यासाठी बारवी धरण परिसरात टाकीची वाडी येथे गेले असता, त्यातील गणेश केणे आणि ज्ञानेश्वर गोंधळी हे पुराच्या पाण्यात वाहून गेले. या घटनेत गणेश केणे यांचा दुर्दैवी मृत्यू झाला. या दुर्दैवी घटनेची माहिती मिळताच, प्रशासनाला तात्काळ पंचनामे करण्याच्या सूचना दिल्या होत्या, तसेच सर्व आवश्यक कायदेशीर प्रक्रिया राबवण्याच्या दृष्टीने प्रशासनाने कार्यवाही सुरू केली.

गुरुवारी, त्याचाच एक भाग म्हणून मी मृतक कुटुंबीयांची भेट घेतली. त्यावेळी गणेश केणे आणि ज्ञानेश्वर गोंधळी यांच्या कुटुंबीयांना प्रत्येकी चार लाख रूपये मदतीचे धनादेश सुपूर्द केले. या मदतीमुळे कुटुंबीयांना थोडा दिलासा मिळावा आणि त्यांची आर्थिक परिस्थिती सुधारावी, हे लक्षात घेतले.