महाराष्ट्राची राजधानी मुंबई आणि उपराजधानी नागपूर ही दोन महत्वाची शहरे जोडणारा अत्यंत महत्वाकांक्षी प्रकल्प म्हणजे मुंबई नागपूर दूतगती महामार्ग, हिंदूहृदयसम्राट बाळासाहेब ठाकरे यांच्या नावाने ओळखल्या जाणाऱ्या या रस्त्याने जणू काही महाराष्ट्राच्या समृध्दीची भाग्यरेषाच आखली आहे. भिवंडी तालुक्यातील आमने इथे नाशिक महामार्गाला समृद्धी महामार्ग येऊन मिळतो. त्यामुळे सहाजिकच त्यालगत असणाऱ्या मुरबाड मतदार संघासाठी तो लाभदायी ठरणार आहे.