मामणोली येथे भात खरेदी केंद्र सुविधा : कल्याण तालुक्यात भात खरेदी केंद्र नसल्यमुळे शेतकऱ्यांची व्यापाऱ्याकडून आर्थिक पिळवणूक होत होती. आमदार किसन कथोरे यांनी ही उणीव लक्षात घेऊन कल्याण तालुक्यात मामणोली येथे पहिले भात खरेदी केंद्र सुरु केले. यामुळे शेतकरी वर्गाला मोठा दिलासा मिळाला. 

गोवेली ग्रामीण रुग्णालयात शस्त्रक्रिया कक्ष : गोवेली येथील ग्रामीण रुग्णालयात शस्त्रक्रिया कक्ष सुरु करण्यात आला आहे. त्यामुळे कल्याण ग्रामीण भागातील गोरगरीब रुग्णांची सोय झाली आहे. या ठिकाणी शस्त्रक्रिया विभागासह अनेक सुविधा पुरविण्यात आल्या आहेत. कल्याण तालुक्यात १६ तलाठी कार्यालये मंजूर कल्याण तालुक्यातील विविध ठिकाणी १६ तलाठी कार्यालये मंजूर करण्यात आली आहेत. त्यामुळे महसूल विभागातील कर्मचाऱ्यांना ग्रामीण भागात अधिक चांगल्या पध्दतीने काम करता येणार आहे.