मुरबाड तालुक्यातील म्हसा प्राथमिक आरोग्य केंद्रात राज्यस्तरीय विशेष वैद्यकीय मदत कक्षाच्या वतीने एक विनामूल्य आरोग्य शिबीर आयोजित करण्यात आले. या शिबिरामध्ये तज्ञ डॉक्टरांकडून विविध प्रकारच्या आरोग्य तपासण्या आणि रोगनिदानाची सुविधा पुरवली गेली. शिबिराच्या माध्यमातून रुग्णांना शस्त्रक्रिया, रक्त आणि लघवी चाचणी, ई.सी.जी. तपासणी इत्यादी सेवा विनामूल्य प्रदान करण्यात आल्या.

बदलापूर येथील दृष्टी मित्र साकिब गोरे यांच्या वतीने डोळ्यांच्या विकारासाठी तपासणी करण्यात आली. यामध्ये मोतीबिंदू शस्त्रक्रिया टप्प्याटप्प्याने मोफत केली जाणार असल्याने त्याचा खूप सकारात्मक प्रतिसाद मिळाला. डोळ्यांच्या विकार असलेल्या नागरिकांनी मोठ्या संख्येने या शिबिरात सहभाग घेतला आणि तपासणी करून घेतली.